Երևանում օգոստոսի 4-ին կայացել է Անիի պատմական կամրջի վերականգնման հարցերով Հայաստան-Թուրքիա համատեղ աշխատանքային խմբի երկրորդ հանդիպումը։

Քննարկումների ընթացքում երկու երկրների ներկայացուցիչները կարևորել են դեռևս 2026 թվականի մայիսի 4-ին Երևանում ստորագրված համապատասխան արձանագրությունը, որը հիմք էր դրել կամրջի համատեղ վերականգնման գործընթացին։ Կողմերը վերահաստատել են իրենց պատրաստակամությունը և պայմանավորվել շարունակել հետևողական ջանքերը՝ ձեռք բերված պայմանավորվածությունների շուտափույթ ու արդյունավետ իրականացումն ապահովելու համար։ Հատկանշական է, որ Անիի կամրջի վերականգնման վերաբերյալ փոխըմբռնման հուշագիրը ստորագրվել էր Երևանում՝ Եվրոպական քաղաքական համայնքի 8-րդ գագաթնաժողովի շրջանակում, երբ տեղի էր ունենում աշխատանքային խմբի առաջին հանդիպումը։