Մեկնարկել է ՀՀ ԱԺ իններորդ գումարման անդրանիկ նստաշրջանի աշխատանքը:

«Ուժեղ Հայաստան» խմբակցության պատգամավոր Էդգար Ղազարյանն իր ելույթում մատնանշեց, որ դեռևս 2021 թվականի անդրանիկ նիստին օրենսդիր մարմնի ավագագույն պատգամավոր Կնյազ Հասանովը, նախքան աշխատանքները սկսելը, առաջարկել էր մեկ րոպե լռությամբ ոգեկոչել հայրենյաց պաշտպանների հիշատակը:
Ղազարյանն առաջարկեց նորընտիր խորհրդարանում ևս մեկ րոպե լռությամբ խոնարհվել Հայաստանի ու Արցախի ազատության, անկախության և պաշտպանության համար մղված բոլոր պատերազմներում ու մարտական գործողություններում անհավասար մարտի բռնված ու նահատակված զինվորականների, սպաների, գեներալների, երկրապահների, կամավորականների և աշխարհազորայինների հիշատակի առջև:
Խորհրդարանականները հոտնկայս և մեկ րոպե լռությամբ հարգեցին զոհվածների հիշատակը: