2025 թվականին «Save Armenian Monuments» կազմակերպության նախաձեռնությամբ, Հովնանյան ընտանեկան և Թուֆենկյան բարեգործական հիմնադրամների հովանավորությամբ մեկնարկել էր «Հողի արձագանքներ» ծրագիրը:

Ծրագրի նպատակն է նպաստել Հին Խնձորեսկի պատմամշակութային ժառանգության պահպանմանն ու հանրահռչակմանը, ինչպես նաև այցելուների համար անվտանգ և հարմարավետ միջավայրի ստեղծմանը:



Ծրագրի շրջանակում կառուցվել և կահավորվել է Խնձորեսկ գյուղը Հին Խնձորեսկին կապող քայլարշավային արահետը, տեղադրվել են ուղղորդող ցուցանակներ, եռալեզու տեղեկատվական վահանակներ, նստարաններ և աղբամաններ:




Մաքրվել են հուշարձանների տարածքներն ու դրանք միմյանց կապող արահետները:



Բացի այդ, հրատարակվել և Գորիսի հյուրանոցներում ու հյուրատներում տարածվել են տեղեկատվական բրոշյուրներ:

Ծրագրի ավարտական միջոցառումը տեղի է ունեցել 2026 թվականի հուլիսի 27-ին՝ Հին Խնձորեսկ պատմամշակութային արգելոցի տարածքում:



Միջոցառմանը մասնակցում էին Թուֆենկյան բարեգործական հիմնադրամի, «Save Armenian Monuments» և «Trails for Change» կազմակերպությունների, Սյունիքի մարզպետարանի, Գորիսի համայնքապետարանի, Խնձորեսկի վարչական ղեկավարության, Գորիսի զբոսաշրջային ձեռնարկությունների միության ներկայացուցիչներ, ինչպես նաև հյուրեր և զբոսաշրջիկներ: