15 հայ գերիների վերաքննիչ բողոքները շարունակվում են

Բաքվի վերաքննիչ դատարանում շարունակվում է  15 հայ գերիների, այդ թվում՝ Արցախի նախկին ղեկավարների հանրային պաշտպանների ներկայացրած բողոքների քննությունը:  Հիշեցնենք, որ  Ադրբեջանում ապօրինի, առանց պաշտպանության իրավունքի և միջազգային լրատվամիջոցների  ցմահ  դատապարտված  Արցախի Ազգային ժողովի նախագահ Դավիթ Իշխանյանը հունիսին բանտից ձայնային ուղերձով հայտնել էր, որ իրենց դատավճիռները բողոքարկել են Վերաքննիչ դատարանում: Բողոքարկումն, ըստ Իշխանյանի, ձևական բնույթ է կրում, որևէ սպասում չունեն ադրբեջանական արդարադատությունից, պարզապես այդ քայլով ճանապարհ են հարթում դեպի միջազգային դատարան: Ադրբեջանի բանտերում պահվող 15 հայ գերիների դատավճիռները Բաքուն հրաժարվում է տրամադրել: